Давид Темелков беше еден од најголемите фаворите за победа во X-Factor, но за малку не успеа да се пласира во големото финале, во кое победи Босанецот Амел, а на второто место се најде Охриѓанецот Боби. Сепак, Давид остана и тоа како забележан од балканската публика, а успеа и да ја расплаче неговата менторка Александра Ковач.
Давид во моментите кога го напушташе најпопуларното музичко шоу откри дека излегувањето не го поколебува да продолжи со музиката и дека и покрај тоа што не победи сепак ќе работи на својата кариера.
Веднаш по излегувањето од Х-фактор доби понуда од врвни македонски композитори кои веќе подготвија песна за него со која ќе почне да го освојува Балканот.
Првата песна која ја отпеа Давид „Ti si moja ulica“ е на српски јазик, со текст на Огнен Неделковски, музика на Григор Копров и аранжман на Владимир Дојчиновски, а многу наскоро се очекува во етер да излезе и македонската верзија.
Ние ви ја претставуваме, слушнете ја: