Синоќа се одржа финалната вечер на детското музичко шоу Пинкови ѕвездички, каде што нашиот претставник Трајче Георгиев од Струмица, макотрпно се трудеше да стигне до финале. Откако тој ги покажа своите гласовни способности, жирито постојано се воодушевуваше од неговиот глас и начинот на кој знае да ја испее секоја песна со чувства.
Сепак, ова не беше доволно за Трајче да победи, па така победник на ова прво балканско детско музичко шоу беше Марија Сердар. Таа прво ја пееше песната „Purple Rain“ за која доби пофалби од Хари дека пее најдобро. Потоа ја испеа песната „Зајди зајди“, а на крај во последниот круг во кој остана само со нашиот Трајче, ја испеа „Roᵭeni“ од Калиопи. Токму со овој настап освои најголем број гласови од публиката.
Трајче најпрво настапи со „I Have Nothing“, по што Гоца Тржан го покани на нејзин концерт во Македонија.
Потоа ја избра песната „Pray“ од Џастин Бибер, за на крај да настапи со „I Just Call to Say I Love You“ од Стиви Вондер и македонската нумера „Јано мори“.
Но, оваа година судбината на македонските пејачи кои се натпреваруваат во музички шоуа, изгледа е иста. Сепак, тоа не ги прави помали ѕвезди од победниците. Погледнете ги најдобрите настапи на Трајче од настапите на Пинкови ѕвездички.