Марија Сердар и Трајче Георгиев рамо до рамо се бореа за првото место во музичкото шоу „ Pinkove zvezdice“ и подеднакво заслужија да победат. Сепак, публиката го кажа своето, па благодарение на нејзините гласови Марија Сердар беше онаа која ја освои престижната титула, оставајќи го нашиот Трајче на второто место.
Девојката која за себе си вели дека првото што ќе го направи по победата е да се стави себе си на строг режим со цел да ослабне, никогаш не ни претпоставувала дека ќе победи.
-Да бидам искрена, не знаев дека публиката ме сака толку многу и дека ќе добијам најголем број на гласови кои ќе ме донесат до финале. До самиот крај бев убедена дека Трајче ќе биде победникот, а јас ќе излезам, признава таа.
Во текот на финалната вечер дури 2 пати се случи настапите на Марија да бидат прекинати поради технички проблеми, што за среќа не влијаеше врз нејзината победа.
-Нешто чудно се случуваше. Ми кажаа дека од високите температури нешто пукнало и затоа дошло до проблеми. Но, ми беше навистина чудно кога неколку пати не можеа да ја наместат опремата. На трета среќа успеав да го завршам настапот, додава Марија.
Сердар откри и дека се надевала дека Давид Радосавлевиќ ќе биде еден од оние кои подобро ќе се пласираат во натпреварувањето.
-Кога излезе без зачудена и не можев да поверувам дека не освои подобра позиција. Давид е многу мал, но има огромен глас.