Кралицата на попот планира да создава музика се до моментот „кога нема да има веќе што да каже“. Оваа 56- годишна ѕвезда и ден денес е една од најценетите изведувачи на светот, а на крајот од минатата година покажа како не планира да застане со што го објави својот 13 студиски албум „Rebel Heart“.
Мадона во неодамнешно интервју за Canadian Press открила дека бара мотивација за нов материјал.
- Сакам да се споредувам со други уметници како што е Пикасо. Тој сликаше и сликаше се до последниот здив. Зошто? Мислам дека беше инспириран за тоа. Животот го инспирирал па продолжил да се искажува, а така се чувствувам и јас.
Освен ова, таа објаснила дека креативноста нема рок на траење, туку се работи се до оној ден кога ќе останеш без зборови.
Пејачката моментално се подготвува за есенска турнеја, на која ќе го промовира актуелниот албум, а ќе се појави и во одредени земји во Европа.