Новиот албум на Бон Џови, „Burning Bridges“ ќе ја доживее својата премиера на 21 август. Ова ќе им биде 13 студиски албум на бендот, но прв без гитаристот Ричи Самборе, кој покрај фронтменот, бил најистакнатиот и најхаризматичниот член на групата.
Нивните проблеми испливале на површината пред две години, кога Ричи наеднаш ја напуштил турнејата. Објаснил дека се работи за лични проблеми, но не е ни тајна дека тој има големи проблеми со алкохолизмот. Меѓутоа, сите знаеја дека освен тоа, подолго време Ричи имал проблеми и со Џон Бон Џови, околу распределбата на финансиите.
Како и да е, Бон Џови продолжува напред. Тие дури ги објавија и зборовите за песната „A Teardrop to the Sea“ која ќе се најде на новиот албум.