Доколку сте фан на музиката од 80-тите, ќе ви биде многу драго за најновата вест во светот на шоубизнисот.
Трите члена на норвешката група A-ha, чија песна „Take On Me“ беше еден од најголемите хитови, се враќаат повторно во ист состав, со цел да продолжат онаму каде што застанаа.
30 години по објавувањето на нивниот деби албум, A-ha го најави нивниот нов албум „Cast in Steel“, кој ќе биде објавен во петок.
- Неверојатно е колку брзо се враќаш онаму каде што си застанал. Една од позитивностите во врска со нашата пауза беше можноста да ги „свариме“ работите и да научиме од искуството, согледувајќи дали можеби има подобри начини за да се стигне до целта , изјави фронтменот Мортен Харкет за Reuters.