Кит Ричардс, гитаристот на легендарната група Ролинг Стоунс, во неодамнешното интервју за New York Daily, упати остри критики до „ривалските“ музички правци и нивните фанови.
- Рап – толку многу зборови, а толку малку е кажано. Она што рапот го направи е импресивно – покажа колку многу луѓе без слух и чувство за музика постојат. Она што им е потребно е ритам од тапан и некој да вришти покрај него и тие се среќни. Постои огромен сегмент од луѓето кои не можат да разликуваат една нота од друга, вели Кит.
Сепак, револтот на гитаристот не останал насочен само кон рапот. Тој исто така изјавил дека и поголемиот дел од рокот е неподнослив за слушање, со толку тешки и тупи звуци, додека, пак, неговата критика кон металот ќе разлути многу фанови на Металика.
- Милиони луѓе се вљубени во Металика и Блек Сабат. Мене тие ми делуваат како да се една голема шега, додава Ричардс.