Стјепан Хаусер треба добро да размисли доколку некогаш планира да ја изневери Јелена Розга. Пејачката која денес на пладне го промовираше спотот за нејзиниот последен сингл „Отров“ изјави дека не знае како би се однесувала во една таква ситуација.
-Не дај боже. Јас сум мирна и добра, но ако некој ме зезне или не дај боже изневери не знам во што би се претворила, вели таа.
-Оваа песна е порака за сите жени секогаш да бидат свои и никогаш да не простуваат изневерување. Постојат песни каде после неколку тактови веќе знаете дека ви припаѓаат и дека ги чувствувате објаснува Розга и додава дека новата песна има необјаснива магија.
Пејачката и овој пат се разголи за потребите на спотот и покажа дека и понатаму останува една од најпожелните жени на хрватската естрада.