Неколку години по ред добар дел од српската естрада летувале во село близу Макарска. Едно лето, таму се нашле Кемал Монтено, Фурда, Корнелиј Смит и Боро Чорба - сите со семејствата. Во близина, целосно изолиран од сите, летувал и Здравко Чолиќ со својата тогашна девојка. Во тој период, славел роденден па ја поканил и цела екипа.
- Лично се дереше на мегафон: Станувајте рајо, ајде на славење, будете се, извикувал Чола.
Проблемот на неговите колеги било што да му подарат на човекот кој има сè?
- Здравко е човек кој просто зрачи со добрина, пристојност, позитивна енергија, подеднакво омилен и меѓу народот и меѓу колегите. Бато Ковач и јас смисливме интересен план. Напишав песна „Razjebani arhipelag“, Корнелиј ја компонираше и цело попладне го потрошивме на снимање, пишува Чорба.
Чола тогаш собирал материјал за нов албум, за кој најмногу соработувал со Ковач, па заклучиле дека песната за новиот албум е убав роденденски подарок.
- Кога отидовме на островот, подарокот му го врачивме пред цело друштво. Еве како звучеше:
- Откако ја прочита Чола, длабоко се замисли и целиот запрепастен тивко рече: Па знаеш, мислам дека ова не е баш за мене, на што сите прснавме да се смееме.
Подоцна Боро ја изрецитирал на претставување на неговата книга „Šta je pesnik hteo da kaže“, од каде што е и преземена.