Сејо Сексон заедно со другите членови на групата Zabranjeno pušenje основаа тајно здружение – во новиот спот за песната „U Tvoje Ime“.
Новиот спот од албумот „Radovi na cesti“ е снимен на плоштадот на истарскиот град Раша, кој го изградил, а потоа и на него држеше говор, италијанскиот диктатор Мусолини. Се работи за четвртиот спот од најновиот албум.
Бендот и овој пат, на свој единствен начин прозборе за нашето секојдневие, поигрувајќи си со темните тајни здруженија, екстремизми и се поприсутната нетолеранција кон другите. Овој тренд, кој полека ја освојува планетата, прикажан е низ случајот на малиот селски угостител, кој смислил единствен план како да го исполни сонот на секој домашен приватник, а тоа е да стане голем бизнисмен, но и патриот.
Сценариото за спотот го напиша Сејо, а го режираше Марсела Занки, која своето искуство го изгради работејќи како продуцент, асистент на режија, а и како самостоен уредник на одредени проекти во продукциската куќа Urban Jungle, специјализирана за изработка на музички спотови на најголемите имиња на регионалната музичка сцена, како што се Џибони, Оливер, Бајага, Parni Valjak, Van Gogh и многу други. Добитник е на Gold и Platinum MTV наградите и награда од жирито на Сплитскиот фестивал.
Сејо се јавува и како автор на песната, заедно со Томислав Андриќ и Тони Ловиќ, продукцијата е дело на Сејо и Тони, а мастер на песната направи Џон Дејвис (Metropolis Mastering London).