Токму кога помисливме дека Каније и Тејлор Свифт се смирија, раперот пак започна војна. Вчера тој го објави својот нов албум „The Life of Pablo“, на кој се најде и песната во која ја навредува колешката Тејлор Свифт.
Песната се вика „Famous“, а токму во неа стои стихот: Мислам дека Тејлор и јас може да имаме секс. Зошто? Затоа што ја направив таа кучка славна.
Иако многу брзо се проширила информацијата од странските медиуми дека Тејлор знаела за песната и пак прифатила Каније да ја објави, тоа воопшто не било точно.
- Каније не бараше дозвола од Тејлор, но бараше таа да ја објави песната на Twitter. Таа го одби и го предупреди дека ако ја објави ќе направи омраза кон жените. Тејлор воопшто не беше запознаена со стиховите на песната, стои во соопштението од портпаролот на пејачката.
Со својата песна Каније повторно предизвика омраза кај останатиот клан кој се дружи со Тејлор. Нејзиниот брат во знак на револт ги фрли патиките со потпис на Каније, Yeezy, а истото го објави на Instagram.
Колку за потсетување, пред седум години, кога Тејлор ја подигна MTV наградата, Каније и го прекина говорот, мислејќи дека не ја заслужува наградата, туку требало да падне во рацете на Бијонсе.