Иако ни се чини како да поминало кратко време, сепак се работи за четири години откако Бруно Марс го објави својот албум Unorthodox Jukebox! На албумот се најдоа неговите најголеми хитови како што се „Locked Out of Heaven“, „Treasure“, „When I Was Your Man“ и „Gorilla“. Потоа следуваше уште една соработка со Марк Ронсон, за песната „Uptown Funk“, која доживеа огромен успех, па можеби токму поради тоа не се забележа дека поминало толку време.
Сепак, неговиот татко, откри дека тој работи на нов албум.
- Требаше албумот да излезе во март, но се одложи поради Super Bowl. Има барем седум готови песни, кои ги слушнав. Сега веќе се преговара албумот да излезе во септември или октомври, со цел да влезе во трката за Греми наградите.
За сега тој ја продолжува соработката со Ронсон, но ќе има соработка и со Адел, Џеф Баскер, Diplo и Skrilex.