Кралицата на попот, Мадона, се прослави во 80-те години од минатиот век, но од нејзиниот почеток до денес многу работи се промениле. Медиумските аналитичари и критичари ги осудуваат потезите на пејачката која некако се бламира во последните години. Според резултатите на анкетната листа на Independent, публиката ја доживува како „манипулаторка, чии настапи се оценуваат како очајни и срамни“. Најголемиот дел на анкетараните биле тинејџери.
Музичките критичари истакнуваат дека пејачката во последната деценија упорно се труди да остане релевантна на младата публика, но тоа не и оди од рака. Нејзиниот колега Елтон Џон во едно интервју изјавил дека подобро би и било на Мадона ако се врати на музичката фаза „Ray of light“ или да се откаже од музиката и веќе да не се брука.
Според истражувањето на професор Сехдев од универзитетот во Јужна Калифорнија, на Мадона повеќе не може да и се верува, а многумина сметаат дека е 17 пати помалку влијателна од Тејлор Свифт и 15 пати помалку од Адел. Три од пет личности кажале дека инцидентот кој се случил на концертот во Бризбејн, кога ја открила градата на 17-годишната обожавателка, е „очајнички обид за публицитет“.
Тоа што постојано се труди да биде сексуално привлечна во свои години, испитаниците го оцениле исто така како очајнички. Дури и постарите генерации ја губат вербата во Мадона.
- Нејзините тактики кои ги користеше во 80-тите, денес веќе не поминуваат, дури и се одбивни на помладата публика. Проблемот не е во нејзиниот секси-имиџ или години, туку во тоа што ја доживуваат како нерелевантна, изјавил професорот Сехдев.