Оваа вечер беше значајна за Македонците, бидејќи Калиопи ја преставуваше нашата земја на овогодинешната Евровизија, која се одржа во Стокхолм, Шведска. Исполнувајќи ја песната „Дона“, Калиопи настапи неверојатно, моќно и сигурно. Облечена во црно-бела тоалета со потпис на Розе Трајчевска, Калиопи и Дона направија да сме горди на нив.
За жал, „Дона“ не беше целосно добра, барем не за оние кои гласаа, за да влезе во финалето на Евровизија. Калиопи до сега настапуваше два пати на овој музички натпревар, но третата среќа не беше баш среќна ниту за неа ниту за нас. Првиот пат настапи во 1996 година со „Само ти“, но беше дисквалификувана, бидејќи Македонија тогаш за прв пат настапуваше и жирито одлучи новите земји да не учествуваат, како и пред три години со „Црно и бело“.
Сепак, во големото финале во сабота ќе ги гледаме големите Европски земји како што се Италија, Германија, Франција, Шпанија, Велика Британија и останатите земји кои обезбедија сигурно место во финалето.