По пет студиски и еден албум со изведби во живо, групата S.A.R.S решија да објават албум со назив „Poslednji album grupe S.A.R.S“. Дали ова значи дека групата ќе се распадне?
За среќа, не, затоа што тие ќе продолжат да објавуваат нови песни, но нема да објавуваат албуми бидејќи сметаат дека албумите се веќе застарен формат. Оваа година групата слави 10 години од нивното постоење, па започнаа голема турнеја по тој повод. Цел месец мај ќе го поминат во Австралија, а имаат договорено настапи и во Англија, Италија и Швајцарија.
Бендот до денес има објавено 19 спотови од кои повеќето имаат по неколку милионски прегледи на YouTube, а меѓу најпопуларните се „Lutka“, „Perspektiva“, „To Rade“ и „Ratujemo ti i ja“. Последен спот е објавен за песната „Glupost“, дел од најновиот албум, заедно со белградскиот состав Nićim izazvan, кој за пет дена забележал над 100.000 прегледи. „Poslednji album grupe S.A.R.S“ ќе може да го преслушате на Deezer.