Јудит ван Хел ќе се натпреварува на годинешниот Макфест со песната „The unknown“, во првата полуфинална вечер, под реден број 13.
„The unknown“ е песна која во себе содржи порака дека треба да бидеме отворени за нови љубови и за тоа што ни го носи животот. Треба да ги урнеме зидовите околу нас, да се бориме против стравот и да го земаме тоа што ни го нуди животот. За мене е важно да престанам да размислувам за своите одлуки, туку само да го изберам патот или да ги пуштам нештата сами да се случуваат.“ – вели Јудит ван Хел.
Додаде дека едвај чека да пристигне во македонија. И таа поканата за настапот ја добила од Милица Фајгељ (Boomerang Artist Management), која се занимава со музички менаџмент веќе неколку години. Таа вели дека сите и зборуваат дека во Македонија е супер и дека луѓето се драги и дружељубиви.
Јудит ван Хел е впечатливо поинаква. Нежна, емотивна, продуховена – тоа се зборовите кои ја изразуваат нејзината личност и музика. А нејзината појава е тотално контрадикторна – има избричена глава, многу тетоважи и пирсинзи. Но на крајот, сите тие крајности се вклопуваат во единствена целина, во посебна убавина, во изведувач со единстевна енергија - Јудит ван Хел. Нејзината боја на гласот е препознатлива, срамежлива и пријатна.
Јудит во 2013 година се натпреварувала во телевизиското музичко шоу „The Voice of Germany“ и тоа учество и донело неповторливо искуство. Настапила и во дует со Британцеот Том Оделл со неговата песна „Another love“.
Наскоро се очекува да излезе нејзиниот нов албум, кој е преполн со меланхолија, но и со силен рок звук. Јудит е спој на Лана Дел Реј и Масив Атак.