По цела година негодувања, конечно дојде и официјалното соопштение дека женската група која растури во 90-те години, конечно ќе се врати повторно на музичката сцена. Овој пат, тие нема да продолжат со тоа име, туку со името GEM, кое е всушност кратенки од Гери, Ема и Мел Би кои ќе бидат во составот на ново-старата група. Подобро нешто отколку ништо, нели?
Девојките објавија видео на официјалната страна spicegirlsgem.com, при што ги известија фановите за нивното повторно започнување на заедничка кариера.
- Размислувавме дека ги имаме најдобрите пријатели во целиот свет, започна Мел Би.
- Со нас бевте 20 години и сакаме да ви се заблагодариме, продолжува Гери Хеливел.
- Имавме подеми и падови, но секогаш бевте тука за нас, заврши Ема Бантон.
Триото откри дека сака да го прослави обединувањето со огромна забава при крајот на јули, на која ќе бидат поканети и Мел Си и Викторија Бекам. Викторија работи како модна дизајнерка и не планира да пее повеќе, додека Мел Си моментално снима самостоен албум и се уште не е сигурна дали ќе се врати во групата.