Американската пејачка Бритни Спирс откри детали за нејзиниот најнов студиски албум, под името Glory, кој ќе биде објавен на 26 август по пат на сервисот Apple Music.
Се уште не е познато дали ќе се продаваат и печатени копии од албумот или Бритни сега ќе „плива“ само во дигиталните води.
Тоа што е познато е дека првата најавна нумера Make me, неодамна претставената песна e направена во соработка со калифорнискиот репер Џи-Изи.
Доколку обожавателите го порачаат албумот Glory, како подарок ќе ја добијат песната Private Show која Бритни ја претстави во текот на јули во рекламата за нејзиниот нов парфем.