Моментално се одржуваат Олимписките игри во Рио, каде што речиси сите се насочени кон мотивирање на спортистите. Во овој период и Кети Пери објави песна „Rise“ преку која ги охрабрува спортистите да се борат и да не се откажуваат така лесно. Нејзините обожаватели веднаш прокоментираа дека се работи за песна која е одлична како за мотивација, така и за трчање.
- Оваа песна тлееше во мене со години и конечно излезе на површината. Се инспирирав да ја завршам сега, отколку да ја чувам за мојот албум, затоа што сега е најважно сите да се соединиме. Заедно можеме да се издигнеме над стравовите, како во сопствената земја, така и во целиот свет, изјавила Кети.
Видео спотот за оваа песна метафорично прикажува колку е лесно човек да падне поради притисокот и тешкотиите со кои се соочува секојдневно, но сепак треба да трча во правец на ветерот и да не дозволува да го носи.