Бијонсе уште еднаш покажа дека таа е кралица во музичките води, откако имаше најдобар настап на овогодинешните видео музички награди и уште еднаш ги остави зад неа Ријана и Бритни Спирс.
Би си замина дома со осум награди, вклучувајќи ја наградата за најдобро видео на годината и пееше цели 16 минути, односно имаше мини концерт, во кој исполни песни од најновиот албум „Lemonade“.
- Најпрво сакам да им се заблагодарам на мојата убава ќерка и мојот прекрасен сопруг за целата поддршка која ми ја даваат, изјави Бијонсе, која на црвениот тепих се појави со Блу Ајви.
Најголемиот и најизненадувачкиот момент беше кога Дрејк и ја врачи Мајкл Џексон видео авангард наградата на неговата поранешна девојка Ријана во која изјави дека е заљубен.
- Во неа сум заљубен уште од 22 години. Таа е мојата најдобра другарка. Целиот мој живот се грижам за неа, иако е помлада од мене, изјави Дрејк.
По цели 10 години, на сцена се врати и Бритни Спирс. Сепак, не беше толку успешно колку што таа мислеше, затоа што не пееше во живо, а тоа беше мошне очигледно.
Листа на добиени награди:
Најдобра песна на летото: Fifth Harmony ft. Fetty Wap, All In My Head (Flex)
Најдобро хип-хоп видео: Drake, Hotline Bling
Најдобро видео од машки изведувач: Calvin Harris ft. Rihanna, This Is What You Came For
Најдобра соработка: Fifth Harmony ft. Ty Dolla $ign, Work From Home
Најдобро видео од женски изведувач: Beyonce, Hold Up
Најдобро долго видео: Beyoncé, Lemonade
Најдобра кореографија: Beyoncé, Formation
Најдобри визуелни ефекти: Coldplay, Up&Up
Најдобра монтажа: Beyoncé, Formation
Најдобра кинематографија: Beyoncé, Formation
Најдобро уметничко видео: David Bowie, Blackstar
Најдобро режирано видео: Beyoncé, Formation
Најдобар дебитант: DNCE
Најдобро видео на годината: Beyoncé, Formation