Што се случуваше синоќа на MTV EMA наградите?

Синоќа во Ротердам се одржаа годинешните EMA награди организирани од MTV, а домаќините The Weekend, Бруно Марс, Зара Ларсон и Бебе Реџа се погрижија сите да бидат задоволни. Овие награди за разлика од американските VMA се поразлични по тоа што се сконцентрирани повеќе на денс, рок и поп, а помалку на хип-хоп музика.

Оваа година освен што беа најглавни добитниците на награди, на сцена растурија и оние кои имаа изведби во живо. Во тоа најдобар беше The Weekend, кој ги изведе своите најголеми хитови и си доби награда за Најдобро видео заедно со Daft Punk за песната „Starboy“.

Освен нивниот настап, впечатлив беше и настапот на Green Day, кои го промовираа нивниот најнов албум „Revolution Radio“. Започнаа со новата песна „Bang Bang“ со што ја загреаа атмосферата за потоа буквално да ја збудалат публиката со „American Idiot“.

Како најголем победник на вечерта се издвои Џастин Бибер, кој собра три награди, за најдобра песна „Sorry“, најдобар канадски изведувач и наградата за пејач со најмногу обожаватели. Сепак, тој не присуствуваше на церемонијата.

На наше големо разочарување беше тоа што Бијонсе, која што беше номинирана во четири категории за најдобра пејачка, најдобро видео за песната „Formation“, пејачка со најмногу обожаватели и локален изведувач, не доби ниту една награда.

Погледнете ја целата листа на награди:

Најдобра песна: Justin Bieber – Sorry
Најдобро видео: The Weeknd ft. Daft Punk – Starboy
Најдобра пејачка: Lady Gaga
Најдобар пејач: Shawn Mendes
Најдобра изведба во живо: Twenty One Pilots
Најдобар нов изведувач: Zara Larsson
Најдобар поп изведувач: Fifth Harmony
Најдобар рок изведувач: Coldplay
Најдобар алтернативен изведувач: Twenty One Pilots
Најдобар хип-хоп изведувач: Drake
Најдобар електронски изведувач: Martin Garrix
Најдобар push изведувач: DNCE
Изведувач со најголем број на обожаватели: Justin Bieber
Најдобар настап на сцена: Martin Garrix - Isle of MTV, Malta (2015)
Најдобра икона: Green Day