Синоќа се одржаа Американските музички награди, чии домаќини беа Џиџи Хадид и Џеј Фароа, кои постојано ја смееја публиката и покажаа дека се забавни домаќини.
Џиџи уште на почеток го разубави шоуто, со тоа што се појави во црвен фустан, а потоа и во уште неколку уникатни аутфити, кои совршено ја истакнуваа нејзината манекенска фигура.
Дрејк имаше дури 13 номинации, но си замина дома со две награди и тоа за најдобар хип-хоп изведувач и за најдобар хип-хоп албум. За изведувач на годината, беше наградена Аријана Гранде, која имаше жежок настап заедно со Ники Минаж. Тие ја претставија песната „Side to Side“.
Интересен беше и моментот кога Селена Гомез целосно „се отвори“ на сцена, при добивањето на наградата Омилен поп/рок изведувач.
- Повеќето од вас го знаете мојот живот, без разлика дали тоа ми се допаѓа или не. Но, јас порам да запрам, бидејќи имав се, а бев целосно скршена внатре. Држев се во себе, за да не ве разочарам вас, но со тоа самата се разочарав, изјави Селена, со што на еден начин им покажа на обожавателите зошто во август реши да се повлече од музиката.
За разлика од неа, Зајн Малик имаше мошне чуден и неочекуван говор, кога ја доби неговата прва награда за Најдобар нов изведувач.
- Оу, овде навистина стои моето име тука, така?
Со ова очигледно Зајн сакаше да ги фрли во сенка членовите на One Direction, на кои не им се допадна неговиот говор.
Целосна листа на победници:
Музичар на годината: Аријана Гранде
Најдобар нов изведувач: Зајн Малик
Соработка на годината: Fifth Harmony и Ty Dolla $Ign, Work From Home
Турнеја на годината: Бијонсе
Видео на годината: Џастин Бибер, Sorry
Омилен машки изведувач (поп/рок): Џастин Бибер
Омилен женски изведувач (поп/рок): Селена Гомез
Омилено дуо или група (поп/рок): Twenty One Pilots
Омилен албум (поп/рок): Џастин Бибер, Purpose
Омилена песна (поп/рок): Џастин Бибер, Love Yourself
Омилен изведувач (рап/хип-хоп): Дрејк
Омилен албум (рап/хип-хоп): Дрејк, Views
Омилена песна (рап/хип-хоп): Дрејк, Hotline Bling
Омилен машки изведувач (соул/R&B): Крис Браун
Омилен женски изведувач (соул/R&B): Ријана
Омилен албум (соул/R&B): Ријана, Anti
Омилена песна (соул/R&B): Ријана и Дрејк, Work
Омилен изведувач (електронска музика): The Chainsmokers
Топ саундтрак: Purple Rain