Селин Дион ќе ја пее песната за „Убавицата и ѕверот“Продуцентите на филмот „Убавицата и ѕверот“ постојано ни приредуваат нови изненадувања. И додека бевме воодушевени од улогата на Ема Вотсон, следуваше откривањето на ликот на ѕверот, Ден Стивенс, а овој пат, ни споделуваат кој ќе го пее саундтракот на филмот.
Имено, станува збор за Селин Дион, која ја објави оваа вест на својот профил на Twitter.
- Поласкана сум да објавам дека ќе изведувам нова песна „How Does a Moment Last Forever“за филмот на Disney „Beauty and the Beast“.
Селин ја испеа и познатата песна за овој цртан, па ова и за неа ќе служи како големо враќање во филмската индустрија. Благодарение на таа песна, таа доби Златен глобус и три Греми награди.
Филмот официјално ќе ја доживее својата премиера на 17 март, а саундтракот ќе биде објавен на 10 март.
|