„Kod Keke kad si, znaš, tu ozdraviš za čas, jer tu smo skupa u dobru i zlu...“, се стиховите на Сејо Сексон и Томислав Андриќ од албумот „Radovi na cesti“, на групата Zabranjeno pušenje. Многу сараевски уметници за овој култен простор ќе кажат дека е нивен „дневен престој“ и последно прибежиште пред, како што се пее во песната, „bićima iz džipova i iz teretane“. Во спотот може да се видат и некои од најголемите имиња на културната сцена од регионот, кои сакаа да покажат дека не постојат граници ни политики кои може да ги спречат добрите луѓе да се гледаат и да се дружат, без разлика на сè она што се случува околу нас.
На снимањето на спотот учествувале и бројни пријатели и колеги на групата Zabranjeno pušenje, како што се старите членови на групата Елвис Ј.Куртовиќ и Мартин Градач, потоа актерите Емир Хаџихафизбеговиќ, Саша Петровиќ, Филип Соваговиќ, Сенад Башиќ, Јелена Гавриловиќ и Нермин Тулиќ. Освен овие имиња, на снимањето се појавија и Младен Војичиќ Тифо, групата Futavci, Јасмин Дураковиќ и сопственикот на кафаната „RajvoSa“, Кека.
Спотот е снимен и режиран од мултимедијалното студио „Spektroom“ – Никола Благојевиќ, Амер Бегановиќ и Златан Менковиќ.
Автори на песната „Kafana kod Keke“ се Сејо Сексон, Томислав Андриќ и Тони Ловиќ, под продукциска палка на Сејо Сексон и Тони Ловиќ, а песната е маестрирана од Џон Дејвис (Metropolis Mastering London).
Фото: Klix.ba
Автор на фотографија: Недим Грабовиќ