Поминаа три години од последниот настап на момците од Daft Punk, односно од нивниот настап на Grammy наградите во 2014 година. Овој пат, тие повторно ќе се вратат на музичката сцена со настап исто така на овогодинешните Grammy награди кои што ќе се случат на 12 февруари.
Момците, Томас и Гај-Мануел ќе настапат заедно со The Weenkd, при што ќе ги исполнат песните „Starboy“ и „I Feel It Coming“. Она што беше интересно е што пред неколку недели се појави краток мистериозен тизер на YouTube од дуото, насловено „Alive“. Сепак од Daft Punk не потврдија за што станува збор, иако фановите сметаат дека се работи за нова турнеја, токму затоа што го носи истото име од нивната последна турнеја од пред 10 години.