Годината на Лејди Гага и започна маестрално. По неверојатниот настап на Super Bowl, кој ја вжешти целата атмосфера на полувремето на натпреварот, таа продолжува да нѐ изненадува.
На Grammy наградите, Лејди Гага ќе настапи со легендарните Metallica. Да, добро прочитавте. Нејзините вокални способности одлично ќе се вклопат со рок музиката на бендот. Оваа информација произлезе од нејзиниот официјален профил на Twitter.
Минатата година на Grammy таа оддаде почит кон Дејвид Боуви, пеејќи негови песни. Освен Гага и Metallica, на наградите ќе настапат и Кети Пери, Келси Балерини, Џон Леџенд, Кери Андервуд, Бруно Марс, Кеит Урбан, Адел и Бијонсе. Истите ќе се одржат на 12 февруари, а домаќин ќе биде Џејмс Корден.