Ако сте биле фанови на познатата машка група NSYNC, најверојатно ќе се израдувате кога ќе дознаете дека тие ќе се обединат по повод нивната 20-годишнина. Момците веќе работат на издавање нов албум.
- Ќе објавиме навистина интересна едиција на албум по повод Божиќ, бидејќи оваа година славиме 20 години од нашиот прв албум „Home for Christmas“. Исто така, оваа година и ќе добиеме наша ѕвезда на Патот на познатите во Холивуд, изјави Ленс Бас.
Тој исто така откри дека сите пет членови на групата ќе се обединат за еден специјален настап, но се уште немаат избрано датум.
- Можеби ќе биде околу Божиќ, но се уште не се знае. Убаво е што повторно ќе ги видиме обожавателите.
Последен пат оваа група заедно ја видовме во 2013 година, кога Џастин Тимберлејк настапи на MTV видео музичките награди. Бендот има продадено над 70 милиони албуми во последните 20 години и има добиено седум Grammy номинации.