Дејвид Боуви можеби нè напушти минатиот јануари, но тоа не го спречи да биде најдоминантната ѕвезда на годинешните Brit награди.
Британскиот пејач постхумно ја освои наградата за најдобар британски машки изведувач, а воедно и онаа за најдобар албум, оставајќи многумина со празни раце.
Вечерта на наградите беше одбележана и од емотивниот настап посветен на уште една прерано замината музичка ѕвезда, легендарниот Џорџ Мајкл.
Членовите на групата Wham! се појавија на наградите за му одадат почит на својот пријател.
Наградата за најдобар женски изведувач и припадна на Емили Санде, додека наградата за глобален успех сосема заслужено ја доби Адел.
Во категориите за интернационални ѕвезди доминираа Дрејк и Бијонсе, а Роби Вилијам беше почестен со награда за идол.