Со цел да се прослави животот на музичката легенда Принц, ќе се објави нова колекција на досега неслушнати песни, на само една година по неговата смрт.
Минатата година беше многу тажна за музичката индустрија со оглед на тоа дека починаа многу музички легенди, Дејвид Боуви, Леонард Коен, Џорџ Мајкл...Принц почина на 21-ви април.
Постхумните песни ќе излезат точно на 21 април и тоа во еден албум наречен Deliverance, кој се состои од 8 песни.
Песните се напишани и продуцирани од соработникот на Принц, Иан Боксил, помеѓу 2006 и 2008 година. Моментално песните се достапни само на iTunes, но најверојатно истите ќе почнат да се објавуваат и на YouTube.