Никогаш доста од музички фестивали! Особено Европа е полна со закажани журки и забави, кои мора да се посетат, барем неколку од нив.
Еден од најголемите фестивали во Европа е Roskilde во Данска, кој се одржува од 24 јуни од 1 јули, во близина на Копенхаген. На овој фестивал ќе настапуваат The Weeknd и Foo Fighters, а исто така и има организирано трка каде што натпреварувачите трчаат голи. Ако имате доволно храброст, знаете каде треба да се упатите.
Следен голем фестивал е оној во Париз, Rock en Seine, кој го означува крајот на летото со оглед на тоа дека се одржува од 25 до 27 август. И на овој фестивал се појавуваат познати имиња како што се Dj Harvey и The xx. Може да го посетите фестивалот Oya во Норвешка, каде што ќе настапуваат Лана дел Реј и MØ.
Доколку сте љубители на електронската музика може да се упатите кон електронскиот замок на Timisoara, во Романија, кој ќе се одржи од 12-16 јули. Близу Берлин пак има екстравагантен фестивал Melt, на кој ќе настапуваат Bonobo, Phoenix и Ellen Allien, а влезниците чинат само 45 евра.
Најдолгиот фестивал оваа година се одржува во Грузија, Georgia Electronic Music во Анаклија, на брегот на Црното море и тоа од 14 јули до 14 август. Овој фестивал ветува електронски звуци и имиња од тој жанр како што се Стив Ајоки и GusGus.
Сепак, најпопуларни се фестивалите во Будимпешта, кои се одржуваат скоро цело лето. Ако пак сакате да се префрлите на некој кој ни е поблизу, тогаш EXIT во Србија или EXIT Seadance во Будва се одличен избор.