Оние кои ја слушаат музиката на Кети Пери и Тејлор Свифт, знаат дека пејачките имаат некаков проблем поради кој се обраќаат една на друга преку песни.
Прва почна, Свифт, која преку својата Bad Blood во 2014-та упати јасна порака дека нешто не е во ред. Три години подоцна Пери го возвраќа ударот преку стиховите на новиот сингл, Swish Swish.
За време на своето гостување во караокето на Џејмс Корден, Пери за прв пат проговори за проблемот со Тејлор.
-Точно е дека има ситуација. Искрено таа ја започна и време е таа да ја заврши, рече Пери и додаде дека се обидела да зборува со Свифт за проблемот, но пејачката ја откачила.
-Не сакаше да зборува со мене. Секогаш го правам она што треба. Воопшто не ми зборуваше, а потоа напиша песна за мене, по што си реков ОК, кул...Дали навистина така сакаш да се справиме со проблемот?
Кети призна дека новиот сингл и е наменет на Свифт бидејќи сака да и покаже дека во животот за секоја акција има соодветна реакција, односно карма. Но, додава и дека не планира да продолжи со караницата бидејќи смета дека жените не треба да се расправаат едни со други.
Дали Тејлор ќе ја смири топката?