Денеска видовме една многу добра вест, за која се уште не може да поверуваме дека е вистина. На официјалниот Facebook профил на Авалон Продукција, објавија дека Стинг доаѓа во Скопје и дека всушност тоа ќе биде најголемиот концерт во досегашната историја организиран токму од нив.
Тој доаѓа во рамките на големата светска турнеја „57th & 9th“по повод истоимениот албум. Концертот ќе се одржи на 15ти октомври во „Борис Трајковски“. Конечно и Македонија ќе ги слушне во живо неговите познати „Fragile“, „Desert Rose“, „Fields of Gold“, но и „Message in the bottle“, „Walking on the moon“, „Every breath you take“…
Сите информации за карти, ќе може да ги дознаете вечерва во 20 часот на официјалниот Facebook профил на Авалон Продукција. Браво Авалон, знаете како да не израдувате!