Токму на неговиот роденден, Здравко Чолиќ реши да нè почести со нова песна, „Мала“.
- Се радувам и драго ми е што токму за мојот роденден ја подарувам оваа нова песна и спот на мојата публика. Во план ми е петнаесеттиот студиски албум да го објавам оваа есен, а токму „Мала“ е прва песна од новиот албум, работен со моите долгогодишни соработници, изјави Чола.
Зад текстот и музиката на песната стои Бајага, а аранжманот го направи Никша Братош. Песната е објавена заедно со спот, под режисерката палка на Александар Кеки, кој направи една романтична и заводлива филмска приказна.
- Актерите Јелена Гавриловиќ и Бојан Карас се заведуваат еден со друг. Јелена е млада филмска дива, која снима филм на крајбрежно рибарско место. Улогата на ладна и помалку недостапна девојка, која вешто го лови погледот на младиот рибар, ја направи оваа приказна интересна, додаде режисерот на спотот.