Аријана Гранде реши да организира хуманитарен концерт, чиј пари ќе бидат донирани во фондот We Love Manchester Emergency Fond, отворен за жртвите од нападот за време на нејзиниот концерт. Во тој напад починаа 22 луѓе, вклучувајќи и деца, а имаше и голем број повредени.
Со цел да им оддаде почит на жртвите, таа заедно со Џастин Бибер, Кети Пери, Мајли Сајрус, Фарел Вилијамс, Ашер, Coldplay, Take That и Нил Хоран ќе пеат во недела, на 4ти јуни. Концертот наречен „One Love Manchester“ ќе се прикажува во живо на BBC One, BBC Radio и Capital Radio.
Сите оние кои што биле присутни на концертот на Аријана токму на таа трагична ноќ, ќе добијат бесплатни билети.
- Нема да престанеме ниту пак ќе дозволиме стравот да не совлада. Нема да не поделат. Нема да дозволиме омразата да победи. Нашиот одговор на насилствата е дека мора да се зближиме повеќе, да си помагаме едни со други, да се сакаме, да пееме погласно и да живееме пољубезно од кога и да е. Музиката постои за да не излекува, да не соедини и да не прави среќни. Ќе продолжиме да им одаваме почит на оние кои ги изгубивме, нашите сакани, моите обожаватели и сите оние повредени од оваа трагедија. Тие ми се во ум и во срце секој ден и до крајот на мојот живот нема да престанам да мислам на нив, стои во писмото кое што Аријана го испрати во медиумите минатата недела.