Поранешниот член на групата „Genesis“, Фил Колинс, итно е пренесен во болница откако паднал во својата хотелска соба.
Според соопштението, кое беше објавено на неговата FB страна, Фил (66) случајно се сопнал во својата хотелска соба по што ја повредил главата. Поради здобиената повреда, пејачот го откажа својот настап во Лондон.
-Фил има проблем со стапалата како резултат на операцијата на грбот, па поради тоа тешко оди. Станал на сред ноќ за да оди во тоалет и паднал, по што ја удрил главата од столот. Тој најискрено им се извинува и заблагодарува на обожавателите, стои во соопштението.
Колинс неодамна повторно започна да настапува по 10 годишна пауза од сцената.