Музичарот, Ед Ширан, реши да се воздржи од постирањето на Twitter зошто повеќе не може да се справи со лошите коментари кои што му ги пишуваат некои од корисниците.
Ширан, кој има повеќе од 19 милиони следбеници реши од сега па натаму само да споделува фотографии на Instagram, затоа што критиките на Twitter му го уништуваат денот.
-Потполно се повлеков од Twitter. Не можам да го читам. Таму нема ништо повеќе од луѓе кои кажуваат злобни работи. Тоа е таква платформа. Еден коментар ќе ти го уништи денот. Затоа решив да се откажам, вели Ширан за The Sun.
Музичарот додаде дека се потпира на своето семејство и на пријателите кога му треба поддршка и дека повеќе воопшто не се нервира околу онлајн троловите.