Деновиве главната дебата на домашната музичка сцена е последната песна на Елена Ристеска „Tequila & Lemon“, која за некои е одлично освежување за македонската музика, а воедно и за музичкиот стил на Елена, додека за други е тотално промашување.
Најголемиот дел од критиките се однесуваат на текстот на песната, кој инаку е дело на Ристеска.
Видео записот на песната за два дена има нешто помалку од 150 илјади прегледи, што ја натера пејачката и самата да се огласи на Instagram по повод нејзината како што вели „лоша“ песна.
Интересно во целата приказна е тоа што песната има и ремикс верзија која според коментарите на многумина повеќе им се допаѓа од оригиналот.
Спотот за „Тequila&Lemon“ е снимен во Турција, а за песната се „виновни“ Елена и Дарко Димитров, кои овој пат решија да направат нешто поинаково од сè што досега сме имале можност да го слушнеме од пејачката, а воедно и на нашата музичка сцена.