Во новиот спот на групата Zabranjeno pušenje за песната „Nova godina", со која се најавува новиот албум на групата, кој ќе биде објавен во мај 2018-та, загрепската актерката Бојана Грегориќ го исфрла Сејо Сексон од станот.
Но, секој крај на старата љубов, отвора можност за нова, овој спот во духот на новогодишните празници има среќен крај. Спотот е снимен во Сараево и Загреб, а фронтменот на бендот Сејо Сексон, вели дека оваа песна зборува за тагата, осаменоста и празнината на урбаниот живот и е автобиографска.
-Еднаш непромислено останав без девојка пред Нова година. Секогаш младите ги советувам да не ги прекинуваат врските пред зима и девојката каква и да е, да пробаат да ја зачуваат барем додека не дојде летото. Меѓутоа, јас не успеав и шетав сам низ градот, нерасположен меѓу сите тие еуфорични луѓе, открива Сејо.
Новиот спот на популарниот бенд ни носи празнична атмосфера, светкави украси, огномет и изобилство од емоции, а доколку посакате Новата година да ја дочекате со Zabranjeno pušenje, на 31.12 бидете во Биоград на Мору каде тие со својот концерт ќе ги внесат сите присутни во новата 2018 година. Концертот ќе биде одржан во паркот кај станицата.
Во спотот, покрај членовите на бендот се појавува и загрепската актерка Бојана Грегориќ – Вејзовиќ и нејзината сараевска колешка, Надин Мичиќ. Спотот е снимен во студиото на „Spektroom” продукција и е со потписот на Никола Благојевиќ. Режиран е од Саша Пешевски, а сценариото го смисли самиот лидер на бендот. Сценографијата е на Леа Петровиќ Нумиќ, облеката на Белма Жишко, фризурата на „EN studio“, а шминката на Наида Џекиќ. Видеото е снимено на неколку локации во Сараево, па минувачите можеа да ја видат екипата на Вратник, Башчаршија, како и во Галеријата „Борис Смоје“
-Песната ни кажува дека човек не треба да мисли дека дури и тогаш кога сите бродови му потонале дека нема да ја дочека Нова година со насмевка на лицето и да го загуби оптимизмот. Секогаш постои добра вила која го гледа од некој кров и ќе му се спушти на рамо, вели Сејо Сексон.