Фронтменот на групата „Парни Ваљак“, Аки Ракимовски (62), доживеа полесен мозочен удар.
Популарниот бенд ја сподели веста на својот FB профил, а во меѓувреме се огласи и самиот пејач велејќи дека сè e во ред.
- Не грижете се. Не е нешто страшно, изјави тој за 24.sata.hr.
Колегите од бендот велат дека иако здравствената состојба на Аки е добра, сепак решиле дека ќе биде најпаметно да ги откажат сите настапи кои се закажани за претстојниот период.