Вчера вечер Охрид блесна во полн сјај со свеченото отворање на 58. издание на „Охридско лето“ кое сите го очекувавме со нетрпение.
Публиката во преполниот Антички театар уживаше во експресивниот и уникатен романски сопран Елена Мошуц која заедно со тенорот Калин Братеску, настапи во придружба на Македонската филхармонија.
Одличниот настап на една од петте најдобри сопранистки на денешницата е само почеток на 58. издание на „Охридско лето“, каде што наредните четириесет дена нѐ очекуваат настапи на повеќе од 800 уметници,од 27 држави од Европа и светот.
И годинава, фестивалот со европско реноме се реализира со поддршка од Македонски Телеком, традиционално партнерство со кое компанијата ја потврдува својата стратегија за поддршка на настани кои се од особена важност за културата и уметноста во Република Македонија.
На следниот линк можете да ја погледнете целосната програма.