Еден од најголемите балкански музички шармери, миленикот на женската публика, по цели три години повторно ќе ги израдува сите фанови со голем спектакуларен концерт во Скопје.
Шести април е датумот на кој е закажан овој голем спектакл исполнет со најубавите балади и многу изненадувања.
Во Вип Арената Борис Трајковски ќе одекнуваат сите најнови хитови, како и добро познатите “Рано је”, “Случајно”, “Ноч до подне”, “Лапсус”, и многу многу други.
- Со нетрпение чекам да дојде 6ти април! Ветувам одлична забава за сите што ќе присуствуваат! Од Македонија секогаш си заминувам со убави спомени, а убеден сум дека и овој пат ќе биде така. – изјави Саша.
Поради големиот интерес за овој концерт влезниците се веќе пуштени во продажба и истите може да се набават преку продажната мрежа на www.kupikartizase.com, “Пола Југотон” и “Цвеќара Розе” - Веро 2.