Пејачот на британската група Продиџи, Кит Флинт (49) е пронајден мртов во својот дом во Есекс.
Брзата помош го пронашла пејачот без свест околу 8 часот ова утро. По безуспешните обиди за реанимација бил прогласен за мртов.
Според постот објавен на официјалниот профил на Prodigy од страна на Лијам Хаулет, станува збор за самоубиство.
- Веста е точна, не ми се верува ова што го кажувам, но нашиот брат Кит си го одзема животот за време на викендот. Шокиран сум, е**** лут, збунет и со скршено срце...RIP брате #theprodigy.
Извори од полицијата велат дека нема ништо сомнително околу смртта на пејачот и дека телото веќе е предадено на обдукција.