Пејачката Тамара Тодевска доби лавина негативни критики, откако на приемот по повод Денот на независноста на САД, кој се одржа во американската амбасада во Скопје, при интерпретација на химната испушти една строфа. Поточно, Тамара заборави да го спомене делот во кој што се пее за Гоце Делчев, Даме Груев и Јане Сандански.
Денес, пејачката на својата страна се извини за пропустот велејќи дека станува збор за ненамерна грешка.
-Понесена од емоции и од целокупната еуфорија, за жал, ненамерно изоставив дел од химната. Уште еднаш ви се извинувам за оваа грешка и се надевам дека ќе најдете простор во вашите срце да ми простите, напиша таа.
Во прилог следи целиот пост.