Кога на едно место ќе се најдат ѕвезди од калибарот на Шакира и Џенифер Лопез, несомнено е дека ќе посведочиме на еден мошне енергичен и спектакуларен настап.
Познатите латино пејачки оваа година ја имаа честа да настапуваат заедно на Super Bowl финалето, кое се одржа во Мајами, па сосема очекувано приредија шоу за паметење.
Шакира заводливо мешаше со колковите на добро познатите рефрени од „She Wolf“, „Whenever, Wherever“ и ред други, додека Џеј Ло го зачини својот настап со танц на шипка. На сцената ја видовме и ќерката на Лопез, Емме (11), која заедно со својата мајка ја изведе ,,Let’s Get Loud”.
-Најдобриот роденденски подарок е поддршката од сите мои обожаватели и најневеројатниот вреден тим кој еден уметник може да го посака. Ние Латиноамериканците го искачивме Килиманџаро и испишавме историја вечерва, и не немаше да го сториме сето тоа без вас, напиша Шакира по завршувањето на настапот.
Интересно е што финалето на Super Bowl оваа година се поклопи со нејзиниот роденден, што беше дополнителна причина за славење.