Оркестарот Калуш, украинскиот бенд кој победи на овогодинешниот Избор за песна на Евровизија, го продаде својот трофеј за 900.000 долари за да собере пари за војната во Украина.
Кристалниот микрофон беше ставен на аукција на Фејсбук, со цел да се купат дронови за војската на Украина. Продажбата се совпадна со појавувањето на бендот на хуманитарен концерт на берлинската Бранденбуршка порта.
Зборувајќи на концертот, членот на бендот Олех Псиук апелираше луѓето да не се навикнуваат на војната, во која според ОН загинаа најмалку 4.031 цивили.
-Мислам дека војната секогаш треба да биде на насловните страници, додека не дојде мирот“, рече Псиук, чија победа на Евровизија беше жестоко навестувана во пресрет на натпреварот.
Украинскиот ТВ водител Серхи Притула објави дека парите собрани од продажбата на трофејот ќе бидат искористени за купување на три беспилотни летала PD-2 од украинско производство.