Ријана го објави спотот за песната „Diamonds“, која е прв сингл од нејзиниот седми студиски албум Unapologetic, кој официјално ќе биде објавен на 19-ти ноември.
Во видеото, убавицата од Барбадос се појавува на различни средини, кои ги претставуваат четирите елементи – оган, земја, воздух и вода. Сепак, според некои, спотот претставува своевиден омаж на нејзината контроверзна и насилна врска со раперот Крис Браун, која заврши откако пејачот крвнички на претепа РиРи непосредно пред доделувањето на Grammy наградите во 2009 година.
Ријана, која неодамна почна повторно да се гледа со Браун кој се уште е под условна казна за инцидентот од 2009-та, вели дека без разлика на таблоидските извештаи, тие не се во врска, но се во добри односи и допрва треба да одлучи за иднината на нивниот однос.
Песната, чиј продуцент е Бену Бланко, а ја напиша Sia, за првпат беше претставена на 26-ти септември со што го најави новиот албум.
„Diamonds“ се искачи на врвот на британската топ листа и на четвртото место на US Billboard Hot 100.