Иако Скопскиот фестивал се одржа во ноември минатата година, денеска тој повторно станува актуелен. Сепак, не станува збор за победничката песна на Ламбе, „Ќе те чекам јас“, туку изненадувачката популарност на фестивалот се должи на Даниел Кајмакоски.
Да, кој би рекол дека победникот на најпопуларното музичко натпреварување на Балканот, X-Factor бил само придружен вокал на еден од легендарните македонски пејачи, Мики Јовановски Џафер.
- Тогаш никој не го забележа Даниел, нормално бидејќи никој не го ни знаел, ниту пак било битно кој е придружен вокал на песната „Разбуди се“. Но ете, благодарение на YouTube, некој ја слушал песната и го гледал настапот на Џафер, па на 3:37 го видел Даниел како пее. Да, точно, Кајмакоски беше придружен вокал и пееше на Скопски Фестивал 2013-та, вели извор близок до Џафер.
Ете што значи популарноста, Даниел по само неколку месеци е еден од најпопуларните пејачи во моментов во регионот и само можеме да очекуваме тој на овогодинешното издание на Скопски Фестивал да настапи со своја песна. Останува да видиме... Инаку Кајмакоски настапил и на Охрид Фест во 2009-та со песната „Нежна ко принцеза“, а ја има и напишано песната за Каролина „Ти не се враќаш“, на која гостува и Влатко Стефановски.