Ова е спот кој го чекавме да се појави уште кога почнавме да учествуваме на Евровизија! И покрај тоа што доаѓаме од Македонија, не треба да значи дека спотот мора да ја промовира земјата, како што тоа беа спотовите за минатите претставници на Македонија, кои снимаа во Охрид и на други туристички места кај нас.
Во денешното општество, факт е дека луѓето сакаат интересен спотот во кој ќе има сексапил. Тијана денеска го промовираше спотот за песната „To the Sky“, каде што таа се појавува гола во када и со уште многу разголени и мускулести момци!
- Многу сум задоволна од тоа како изгледа спотот, и сите големи познавачи на видео продукцијата кажаа дека вакво парче нема во регионот, изјави Тијана на денешната промоција!
Исто така таа истакна дека на Евровизија ќе пее на англиски јазик, со цел целиот свет да разбере за што точно се работи во песната. И после овој спот и изведбата на англиски јазик, ние сме сигурни дека Тијана ќе си загарантира место во финалето!