Едно е сигурно: Фарел не се срами да си ги покажи емоциите! За време на гостувањето кај Опра, таа пушти видео на кое негови обожаватели низ светот играат на неговата песна „Happy“ и тоа на начин на кој тој игра во спотот.
Нормално дека ќе пушти по некоја солза, бидејќи тој е и автор и пејач на огромниот хит. Кога ќе видиш дека нешто твое се сака низ целиот свет, радоста е неминовна.
- Не знам зошто плачам, низ смеа изјави Фарел.
На ова гостување, Фарел исто така се отвори и за неговите изминати две години, од добивањето Греми награда па сè до неговата номинација на Оскарите. Сподели и дел од неговиот приватен живот, за неговата сопруга и 5-годишниот син, Рокет.