Летото е период за уживање и разладување од горештините, но и за опуштање во домашна атмосфера. И какво лето би било без „Охридско лето“? Манифестација која ќе трае до 20 август – доволно долг период во кои можат да се проследат многу настани од разни жанрови и за сечиј вкус.
Македонски Телеком повеќе од една деценија е Генерален Спонзор на овој престижен и познат во светски рамки фестивал, а Идивиди ви нуди ексклузивна можност да ги следите во живо творечкиот опус на нашиот познат композитор Томислав Зографски и концертот на Музичката младина на Македонија. Преносот ќе се одржи на 29 и 30 јули од 21 часот. Доколку сте љубители на класичната музика, ова е вистинскиот пренос во живо за вас!
Преносите започнуваат на 29 и 30 јули во 21:00 часот и ќе можете да ги следите на оваа страница.
Преносот е достапен само за посетителите од Р. Македонија
Томислав Зографски е познат македонски композитор, кој целиот свој живот твори и се труди да ја збогати класичната музика. Тој е меѓу првите кои ги внел почетоците на неокласицизмот во македонската музика, како и композиторот кој прв зачекорил по стапките на европската авангарда. Со ова, тој ја има збогатено македонската класична музика со повеќе од 160 дела. Познат е низ целиот свет, каде што редовно ги полни едни од најголемите сали, а овој пат ќе настапи пред македонската музика, која ќе може да го слушне неговиот творечки опус.
Музичката младина на Македонија, долго време работи со млади луѓе, ја развива нивната креативност и ги поддржува во музичките исполнувања. Нивна главна цел е да ги обедини младите без оглед на нивната музичка ориентација и тие да имаат космополитски и хуманистички пристап во индивидуалната и глобалната креативност. Музичката младина има одржано многу концерти, манифестации, курсеви, при што привлекла над 7000 учесници! Заедно со музичката младина настапува Емилио Перцан кој свири на барокна виолина. Тој има соработувано со многу познати музички имиња од класичната музика, а овој пат вие ќе ја имате честа да уживате во неговите ноти.